عمران خان درخواست ضمانت کیلئے اسلام آباد ہائیکورٹ پہنچ گئے

اسلام آباد: چیئرمین پاکستان تحریک انصاف (پی ٹی آئی) عمران خان درخواست ضمانت میں پیشی کے لیے اسلام آباد ہائی کورٹ پہنچ گئے۔
اسلام آباد ہائی کورٹ میں عمران خان کی 190 ملین پاؤنڈ کیس میں درخواست ضمانت پر سماعت ہوگی، جسٹس میاں گل حسن اورنگزیب کی سربراہی میں ڈویژن بنچ عمران خان کی درخواست ضمانت پر سماعت کرے گا۔
عمران خان کی دیگر 2 درخواستوں پر بھی سماعت اسلام آباد ہائی کورٹ میں دن 2 بج کر 30 منٹ پر ہوگی۔
عمران خان کی پیشی کے پیش نظر اسلام آباد ہائی کورٹ میں سکیورٹی کے سخت انتظامات کیے گئے ہیں، کمرہ عدالت میں داخلہ خصوصی پاسز سے مشروط ہو گا۔