سعودی وزارت حج کا عمرہ زائرین کی ویزہ مدت کے حوالے سے اہم اعلان

ریاض : سعودی عرب نے عمرہ زائرین کے ویزہ مدت میں توسیع کے حوالے سے اہم اعلان کردیا۔
سعودی وزارت حج وعمرہ کے مطابق 90 دن کیلئے جاری ہونے والے عمرہ ویزہ کی مدت میں توسیع نہیں کی جاسکتی، عمرہ پرمٹ کے لیے کم ازکم عمر کی حد 5 برس متعین کی گئی ہے تاہم 5 سال سے چھوٹے بچے اپنے والدین کے ساتھ مسجد الحرام آ سکتے ہیں۔
رپورٹ کے مطابق عمرہ پرمٹ کے حصول سے قبل اس بات کی یقین دہانی کی جائے کہ عمرہ زائرکورونا میں مبتلا نہ ہواورنہ ہی مکہ مکرمہ آنے سے قبل وہ مصدقہ کورونا میں مبتلا کسی شخص سے ملا ہو۔
خیال رہے کہ گزشتہ دنوں سعودی وزارت حج و عمرہ کی جانب سے سعودی شہریوں کو اس بات کی بھی اجازت دی گئی تھی کہ وہ اپنے ذاتی ویزہ کے ذریعے اپنے دوستوں کو عمرہ ادائیگی کیلئے سعودی عرب آنے کی دعوت دے سکتے ہیں۔

اپنا تبصرہ بھیجیں